Имзои Ёддошти тафоҳум бо ширкати чиноӣ
Душанбе, 17 апрел. (АМИТ «Ховар», Покиза Маҳмадбекова). — Дар Душанбе маросими расмии имзои Ёддошти тафоҳум оид ба ҳамкорӣ дар соҳаи телекоммуникатсия байни Вазорати рушди иқтисод ва савдо ва Ширкати ZTE-и Ҷумҳурии Мардумии Чин доир гардид. Ба мухбири АМИТ «Ховар» аз вазорати рушди иқтисод ва савдои ҷумҳурӣ иттилоъ доданд, ки ҳуҷҷати мазкурро аз ҷониби Тоҷикистон вазири рушди иқтисод ва савдо Шариф Раҳимзода ва аз ҷониби Ҷумҳурии Мардумии Чин ноиби Президенти Ширкати ZTE, Сун Ченг ба имзо расониданд. Бояд гуфт, ки соҳаи телекоммуникатсия яке аз самтҳои пешрафтаи бахши ҳамкории Ширкати ZTE бо Тоҷикистон мебошад. Ширкати мазкур дар тӯли чандин солҳо дар бозори Ҷумҳурии Тоҷикистон фаъолият намуда, ҳам бо операторҳои мобилии ҷумҳурӣ ва ҳам бо муассисаҳои давлатӣ ҳамкории зич дорад. Дар айни замон, Ширкати ZTE миқдори муайяни таҷҳизотро барои низоми видеоконфронс ба Вазорати рушди иқтисод ва савдо ҳамчун лоиҳаи пилотӣ пешниҳод менамояд. Мақсади татбиқи лоиҳаи мазкур нишон додани фаъолияти самаранок ва сифати ин низом мебошад.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
