Интернет гул аст, вале хор дорад
Душанбе, 9 апрел. (АМИТ «Ховар»).-Имрӯз ҷаҳони муосирро бе интернет тасаввур кардан мумкин нест, чунки интернет барои ҷомеаи шаҳрвандӣ як қисми ҷудонашаванда гардидааст. Имрӯз ба воситаи интернет мо китоб мехонем, аз хабарҳои охирин воқиф мешавем, хариди чиптаҳо ва дигар лавозимоти заруриро фармоиш медиҳем, ки ин албатта, хеле хуб аст, вале аз ёд бояд набаровард, ки барои саломатии инсон бе кори ҷисмонӣ дар як ҷо зиёд нишастан оқибати нохуш дорад. Баҳри ҳамин биёед аз интернет оқилона истифода барем ва фарзандҳои худро ҳам ба дуруст истифода кардани интернет ҳидоят кунем.Имрӯз аз тариқи интернет мо метавонем бо дӯстони деринаи худ, ки дар ҳар гӯшаву канори мамлакатҳои хориҷ ва дохили кишварамон ҳастанд. дар тамос бошем, аз аҳволу зиндагии онҳо бохабар шавем, аз тариқи интернет аз хабарҳои охирин дар муддати кӯтоҳтарин огоҳ шавем, китобҳои бадеӣ, асарҳои нависандаҳои тамоми ҷаҳонро ба осонӣ дастрас намоем, аз пешравии технологияҳои навтарини кишварҳои ҷаҳон огоҳӣ ёбем. Хуллас, имрӯз интернет ёрдамчии хуби мост, вале он бар замми хубиҳо як қатор камбудию норасоӣ ва зарари беандоза ҳам дорад, ба мисоли сайтҳои фаҳшу бемаънӣ (порно сайтҳо), бозиҳои онлайнӣ, зӯроварӣ (экстремистӣ), ки ба мафкураи кӯдакону наврасон таъсири манфӣ мерасонад, онҳоро аз роҳу равиши одамгарӣ бероҳа месозад, ба зӯроварию куштору дигар корҳои аз одоби инсонӣ берун ҳидоят мекунад. Мо ҳама медонем, ки ин ташвиқот ба урфу одат ва одоби шарқиёнаи мо таъсири манфии худро мерасонанд, бо ин усулҳо ҷавонони моро аз хондану фикр кардан дур месозанд ва мафкураи онҳоро вайрон сохта, ба мисли маводи мухаддир дар майнаашон аз тариқи интернет корҳои фаҳшу бемаъниро ҷой мекунанд, ки ин барои ҷомеаи мо оқибати нохуш меорад. Барои ҳамин моро мебояд, ки интернетро оқилона истифода бурда, кӯдакону наврасони худро то ба синни 16 расидан зери назорати қатъии худ гирем ва нагузорем, ки ба сайтҳои бемаънӣ ва онлайнбозиҳое, ки зӯроварӣ ва экстремизмро пешниҳод мекунанд, ворид шаванд. Хубтар мешуд, ки имрўз провайдерони мо аз технологияҳои муосир истифода карда, пеши роҳи кӯдаконро аз ворид шудан ба сайтҳои фаҳшу бемаънӣ ва хусусияти зўроваридошта мегирифтанд ва барои кӯдакону наврасон ин намуди сайтҳоро иҷозат намедоданд ва ҷомеаро аз корҳои бемаънӣ эмин медоштанд. Маркази матбуоти Хадамоти алоқаи назди Ҳукумати Ҷумҳурии Тоҷикистон








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






