Иштироки рассоми тоҷик дар намоишгоҳи Пекин

Душанбе, 2 апрел (АМИТ «Ховар», Баҳманёр Муродов).- Рассоми ҷавони тоҷик Пайрав Гулов дар намоишгоҳи байналмилалии «Рассомони ҷаҳон», ки рӯзҳои 25-30-уми апрел дар Ҷумҳурии Мардумии Чин баргузор мешавад, иштирок мекунад.Дар ин бора раиси Иттифоқи рассомони кишвар Фаррух Хоҷаев иттилоъ дода, афзудааст, ки интизор меравад ду рассоми ҷавони дигар низ дар ин намоишгоҳи байналмилалӣ иштирок варзанд ва ҳоло интизори даъватнома ҳастанд. Пайрав Гулов коллеҷи санъати ба номи Олимов ва Донишкадаи ҳунарҳои зебои ба номи Мирзо Турсунзодаро хатм кардаас т ва қисми зиёди мусаввараҳои ӯ дар жанри чеҳраофарӣ (портрет) ва манзаранигорӣ (пейзаж) офарида шудаанд.