«Истиқлол» пешсафи мусобиқа

Душанбе, 29 апрел. (АМИТ «Ховар», Пайрав Назаров). – 27 апрел дар даври чоруми мусобиқоти Тоҷикистон байни дастаҳои лигаи олӣ оид ба футбол се вохӯрӣ баргузор шуд. Дастаи «Истиқлол» — и шаҳри Душанбе бо ҳисоби 3 бар 1 бар дастаи «Хайр» — и шаҳри Ваҳдат ғалаба кард. Дастаи «Регар – ТадАЗ» бо ҳисоби 1 бар 0 футболбозони дастаи «Вахш» — ро мағлуб сохт. Вохӯрии байни дастаҳои «Помир» ва «Истаравшан» бо ҳисоби сифр бар сифр мусовӣ шуд.28 апрел дастаи «Истиқлол» бозиро бо дастаи «Энергетик» — и шаҳри Душанбе бо ҳисоби 1 бар 1 мусовӣ кард. Хотирнишон месозем, ки баъди се даври мусобиқот дастаи «Истиқлол» — и шаҳри Душанбе 9 хол ба даст оварда, дар ҷадвали мусобиқот мақоми аввалро касб кардааст.