Кӯмаки башардӯстона ба Тоҷикистон

Душанбе, 16 апрел. (АМИТ «Ховар», Покиза Маҳмадбекова). – Тайи се моҳи аввали соли 2013 – ум 37 кишвари ҷаҳон ба Тоҷикистон ба маблағи 30 миллиону 168 ҳазору 500 доллар кӯмаки башардӯстона расониданд.Мувофиқи маълумоти Агентии омори назди Президенти ҶТ, дар ҳамин давра ба Тоҷикистон дар шакли кӯмаки башардӯстона 2 ҳазору 500 тонна орд, 293 ҳазору 600 тонна равғани растанӣ, ҳамчунин ба маблағи 16 миллиону 100 ҳазор доллар дору ворид гардид. Қобили зикр аст, ки соли 2012 Ҷумҳурии Тоҷикистон тайи ҳамин давра ба маблағи беш аз 10 миллиону 600 ҳазор доллар кӯмаки башардӯстона гирифта буд.