Кӯмаки навбатии Фаронса ба АНМН
Душанбе, 3 апрел. (АМИТ «Ховар», Лутфия Эшонқулова). – 2 апрел дар шаҳри Душанбе мулоқоти директори Агентии назорати маводи нашъаовари назди Президенти ҶТ Рустам Назаров бо Атташеи навтаъйин оид ба масоили ҳифзи ҳуқуқи Осиёи Марказии Сафорати Фаронса дар Ҷумҳурии Қазоқистон Жерар Патрик баргузор гардид. Назар ба хабари маркази матбуоти Агентии назорати маводи нашъаовар, роҳбари Агентӣ меҳмонро бо вазъи маводи нашъаовар дар Тоҷикистону Афғонистон, ҳамчунин дар минтақаи Осиёи Марказӣ шинос кард. Мавсуф ҳамчунин перомуни ташкили ҳамкории мақомоти ҳифзи ҳуқуқи ҷумҳурӣ ва кишварҳои ҳамсоя дар мубориза бо гардиши ғайриқонунии маводи нашъаовар сухан кард.Ҷонибҳо дар ҷараёни мулоқот масоили рушди минбаъдаи ҳамкорӣ дар мубориза бо қочоқи маводи нашъаовар, ҳамчунин дурнамои рушди ҳамкорӣ баъди соли 2014 аз Ҷумҳурии Исломии Афғонистон баровардани қӯшунҳои НАТО – ро мавриди муҳокима қарор доданд.Жерар Патрик дар навбати худ дастовардҳои Агентӣ дар мубориза бо гардиши ғайриқонунии маводи нашъаоварро ба дараҷаи баланд арзёбӣ намуда, фаъолияти муваффақонаи мақомоти ҳифзи ҳуқуқи ҷумҳурӣ дар ҳамаи самтҳои асосӣ ва хусусан дар бахши мубориза бо паҳншавии маводи нашъаоварро зикр намуд. Ҷонибҳо дар анҷоми мулоқот изҳори умедворӣ намуданд, ки ҳамкории дуҷониба ҷиҳати вусъат бахшидани мубориза бо гардиши ғайриқонунии маводи нашъаовар минбаъд ҳам рушду густариш хоҳад ёфт.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






