«Каёнуш» ифтитоҳ шуд
Душанбе, 24 апрел. (АМИТ «Ховар», Дилшодаи Хайруллоҳ).- Дар арафаи Паёми навбатии Сарвари давлат ба Маҷлиси Олии Ҷумҳурии Тоҷикистон бо мусоидати Вазорати энергетика ва саноати Ҷумҳурии Тоҷикистон дар бастагӣ бо мақомоти иҷроияи маҳаллии ҳокимияти давлатии ноҳияи Данғара ва саҳмгузории Ҷамъияти масъулияти маҳдуди «Ёқут — 2000», ҷиҳати иҷрои дастуру супоришҳои Президенти кишвар дар бобати ба истифода додани корхонаҳои истеҳсолӣ, аз ҷумла корхонаҳои дӯзандагӣ ва бо мақсади татбиқи нақшаи чорабиниҳои «Барномаи рушди саноати сабуки Ҷумҳурии Тоҷикистон дар давраи солҳои 2006-2015» имрӯз дар ноҳияи Данғара боз як корхонаи нави истеҳсолӣ бо номи «Каёнуш» мавриди истифода қарор гирифт. Тибқи иттилои шуъбаи котиботи Вазорати энергетика ва саноати Ҷумҳурии Тоҷикистон корхона бо дастгоҳҳои дӯзандагии замонавӣ ҷиҳозонида шуда, дар як баст барои 140 нафар ва дар ду баст барои 280 нафар занону духтарони маҳаллӣ ҷойҳои нави корӣ ва маоши муносиб муҳайё гардидааст. Дар корхона дӯхтани либосҳои мактабӣ, рахти хоб ва дигар ҷиҳози дӯзандагӣ ба роҳ монда мешавад.Қобили зикр аст, ки дар ноҳияи Данғара 30 733 нафар хонандагон дар муассисаҳои таҳсилоти ҳамагонӣ ва дар ҷумҳурӣ 1млн.713ҳазор нафар таҳсил доранд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






