Лоиҳаи «Шаҳри бехатар» ва «Таҳти калид» тасдиқ гардид
Душанбе, 11 апрел.(АМИТ «Ховар», Марзия Саидова).-Ширкати чиноии «Huawei Technologies Co. Ltd.» ба Тоҷикистон 855 адад камераи назоратиро ворид сохта, онҳоро дар кӯчаҳои Душанбе насб менамояд. Дар ин росто вакилони палатаи поёнии парлумони Тоҷикистон Шартномаи байни Ҳукумати Ҷумҳурии Тоҷикистон ва ширкати «Huawei Technologies Co. Ltd.» оид ба таҳвили таҷҳизот барои лоиҳаи «Системаи автоматикунонидашудаи идоракунӣ дар нақлиёт «Шаҳри бехатар» ва пешниҳоди хизматрасониҳои «Таҳти калид» -ро тасдиқ намуданд. Абдулло Навҷувонов- муовини вазири корҳои дохилии ҷумҳурӣ зимни шарҳи масъалаи мазкур дар парлумони кишвар гуфт, ҳадафи татбиқи лоиҳаи «Системаи автоматикунонидашудаи идоракунӣ дар нақлиёт «Шаҳри бехатар» ва пешниҳоди хизматрасониҳои «Таҳти калид» таъмини амнияти шаҳрвандон ва риояи қоидаҳои ҳаракат дар роҳ аз ҷониби ронандагон ва пиёдагардон аст. Лоиҳаи «Системаи автоматикунонидашудаи идора дар нақлиёт «Шаҳри бехатар» ва пешниҳоди хизматрасониҳои «Таҳти калид» бо маблағи 22 миллион $ амалӣ карда шуда, аз он 20,9 миллион $ қарзи дароз муддати Чин буда, 1,1 миллион $ аз ҷониби Ҳукумати Тоҷикистон пардохт мегардад. Интизор меравад, ки татбиқи лоиҳаи мазкур аз моҳи май шуруъ гардида, моҳи ноябр ба анҷом мерасад. Вакилони палатаи поёнии парлумони мамлакат, ҳамзамон дар ҷаласа лоиҳаи қарорҳои Маҷлиси намояндагон «Дар бораи лоиҳаи дастури Маҷлиси намояндагони Маҷлиси Олии Ҷумҳурии Тоҷикистон» ва «Дар бораи таъсис додани кумита ва комиссияҳои Маҷлиси намояндагони Маҷлиси Олии Ҷумҳурии Тоҷикистон» — ро муҳокима ва қабул намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






