Машварати корӣ дар ҳузури Сарвазир
Душанбе, 20 апрел. (АМИТ «Ховар»). — Имрўз дар ҳузури Сарвазири Ҷумҳурии Тоҷикистон Оқил Оқилов маҷлиси ситоди корӣ оид ба тайёрӣ ва саривақт омода намудани иншооти соҳаҳои иқтисодию иҷтимоии мамлакат ба давраи тирамоҳу зимистони солҳои 2013-2014 баргузор гардид. Дар машварат ҳолати иҷрои нақшаи чорабиниҳои дар ин самт пешбинишуда, ки бо Қарори Ҳукумати Ҷумҳурии Тоҷикистон аз моҳи марти соли равон тасдиқ гардидааст, мавриди баррасию муҳокима қарор дода шуд. Тавре таъкид шуд, дар асоси қарори мазкур дар тамоми шаҳру ноҳияҳои мамлакат нақшаи омодагӣ ва дар сатҳи зарурӣ гузаронидани давраи тирамоҳу зимистони солҳои 2013-2014 таҳия гардида, ситодҳои корӣ таъсис шудаанд. Оқил Оқилов роҳбарияти вазорату идораҳои дахлдор, вилоятҳо ва шаҳру ноҳияҳои мамлакатро вазифадор кард, ки фаъолияти доимии ситодҳои кории шаҳру ноҳиявиро таъмин карда, ба масъалаи таъмиру барқарорсозии иншоти барқу гармидиҳӣ, роҳу нақлиёт, муасиссаҳои маорифу тандурустӣ ва дигар муассисаҳои соҳаи иҷтимоӣ таваҷҷуҳи зарурӣ зоҳир намоянд. Сарвазири мамлакат ҳамчунин барои таъмини саривақтии иншооти муҳими хоҷагии халқи мамлакат бо барқу гармӣ, афзун намудани истихроҷи ангишт ва ба миқдори зарурӣ захира кардани он, инчунин зиёд кардани нуқтаҳои фўруши ангишт ва гази моеъ дар шаҳру ноҳияҳои мамлакат ба масъулони соҳа дастуру супоришҳои мушаххас дод.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
