Мехоҳед соҳиби 3500 $ гардед? Дар марафон иштирок намоед!

Апрель 15, 2013 11:44

Душанбе, 15 апрел.(АМИТ «Ховар», Марзия Саидова).-Шаҳрдории Душанбе ғолиби чорумин ниммарафони байналмилалиро бо 3500 $ сарфароз мегардонад.  Ин чорабинии варзишӣ дар доираи таҷлили Рӯзи пойтахт 20 апрел бо иштироки варзишгарони кишварҳои хориҷӣ ва пойтахт дар масофаи 21 км 97 метр ва байни кӯдакону наврасон дар масофаҳои 3, 5 ва 7 км гузаронида мешавад. Дилшод Қурбонов-сардори идораи ҷавонон, варзиш ва саёҳии шаҳри Душанбе дар суҳбат ба хабарнигори АМИТ «Ховар» гуфт, ки чорумин ниммарафони байналмилалӣ аз маҳалли Наврӯзгоҳ оғоз гардида, ба самти собиқ дидбонгоҳи Чорбоғ идома меёбад. Самти бозгашти чорабинии варзишӣ аз дидбонгоҳи Чорбоғ шуруъ гардида, варзишгарон тавассути хиёбони Рӯдакӣ ҳаракат менамоянд. Марра ё худ маҳалли анҷоми ин чорабинии варзишӣ Майдони Дӯстӣ-назди муҷассамаи Исмоили Сомонӣ муайян шудааст. Тибқи қарори шаҳрдории Душанбе ғолибони чорумин ниммарафони байналмилалӣ бо мукофотҳои молиявию арзишманд қадрдонӣ мегарданд. Аз ҷумла, ба ғолибони зинаи якум байни занон ва мардон, ки дар масофаи 21 км 97 метр сурат мегирад, мукофот ба маблағи 3500 $ тақдим мегардад. Инчунин ба кӯдакону наврасон-иштирокчиёни чорабинӣ тақдими туҳфаҳо пешбинӣ шудааст. Ҳадаф аз баргузории ниммарафони байналмилалӣ таъмини оммавияти тарбияи ҷисмонӣ ва варзиш, ташвиқу тарғиби ҳаракати байналмилалии варзиш, устувор намудани робитаҳои ҳамкорӣ байни пойтахт аст.

Апрель 15, 2013 11:44

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд