Мо соҳибистиқлолӣ ва озодии давлатамонро ба ҳеҷ чиз иваз намекунем!
Душанбе, 26 апрел. (АМИТ «Ховар», Лутфия Эшонқулова).- Президенти Ҷумҳурии Тоҷикистон Эмомалӣ Раҳмон дар Паёми имрӯзаи худ ба Маҷлиси Олӣ оид ба самтҳои асосии сиёсати дохилию хориҷии давлат муайяну мушаххас баромад намуда, изҳор кард, ки «Яке аз вазифаҳои стратегӣ ва мақсади аввалиндараҷаи Ҳукумати Ҷумҳурии Тоҷикистон пешрафти иқтисодиёти миллӣ ва некӯаҳволии халқ мебошад. Пайвастшавии Тоҷикистон ба Созмони Умумиҷаҳонии Савдо бисёр муҳим аст. Узвияти Тоҷикистон ба ин созмони бонуфуз ба иқтисодиёти Тоҷикистон такони ҷиддӣ бахшида, ба афзоиши сармоягузории хориҷӣ мусоидат менамояд».Сарвари давлат дар давоми ироаи Паёми худ мақомоти ҳифзи ҳуқуқ ва сохторҳои низомиро ба дарки баланди масъулиятшиносӣ ба хизмати содиқона ба халқу Ватан ҳидоят намуда, зикр кард, ки муборизаро бар зидди ҷиноятҳои муташакиллонаи фаромарзӣ, терроризм, экстремизм ва маводи мухаддир пурзӯр намуда, барои ҳифзи сарҳадот тадбирҳои зарурӣ андешанд. Дар шароити пуртазодду печидаи ҷаҳон ва осебпазир гардидани истиқлолияти давлатҳо суботу оромии ҷомеаро фаромӯш насозанд.Президенти Ҷумҳурии Тоҷикистон Эмомалӣ Раҳмон изҳор кард, ки «Мо ба ҳеҷ ваҷҳ соҳибистиқлолӣ ва озодии давлатамонро ба ҳеҷ чиз иваз намекунем!».Тавре ки сомонаи расмии ВКД хабар медиҳад, имрӯз дар маҷлисгоҳи Вазорати корҳои дохилӣ роҳбарони раёсатҳо ва ҳайати шахсии мақомоти корҳои дохилӣ ҷамъ омада, Паёми Президенти Ҷумҳурии Тоҷикистонро аз тариқи телевизион тамошо намуданд. Кормандони мақомоти корҳои дохилӣ аз Паёми сарвари давлат руҳу илҳом ва нерӯи тоза гирифта, барои амалӣ намудани ҳадафҳо ва вазифаҳои дар наздашон гузошта бо дарки баланди масъулиятшиносӣ ҷидду ҷаҳд ва талош меварзанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






