Муҳаммад Ҳамид Ансорӣ ба Тоҷикистон меояд

Душанбе, 12 апрел (АМИТ «Ховар»).- 14-17 апрели соли 2013 сафари расмии ноиби Президенти Ҷумҳурии Ҳиндустон Муҳаммад Ҳамид Ансорӣ ба Тоҷикистон сурат хоҳад гирифт. Нахуст Муҳаммад Ҳамид Ансорӣ 14 апрел аз Осорхонаи миллии Тоҷикистон боздид мекунад. 15 апрел дар «Қасри миллат» мулоқоти Президенти Ҷумҳурии Тоҷикистон Эмомалӣ Раҳмон бо ноиби Президенти Ҷумҳурии Ҳиндустон Муҳаммад Ҳамид Ансорӣ баргузор мегардад. Зимни мулоқот масълаҳои густариш ва тавсеаи ҳамкориҳои дуҷониба дар соҳаҳои мухталиф баррасӣ хоҳанд шуд. Ҳамзамон дар ҷараёни сафар ноиби Президенти Ҳиндустон бо Раиси Маҷлиси намояндагони Маҷлиси Олӣ Шукурҷон Зуҳуров, Сарвазири Тоҷикистон Оқил Оқилов, вазири корҳои хориҷӣ Хамрохон Зарифӣ ва дигар шахсони расми мулоқот анҷом хоҳад дод.Муҳаммад Ҳамид Ансорӣ инчунин дар ин рӯз ба Донишгоҳи давлатии техникии Тоҷикистон ташриф оварда, бо шароити фаъолияти ин донишгоҳ шинос мегардад. Рӯзҳои 16-17 апрел тибқи барномаи сафари расмии ноиби Президенти Ҷумҳурии Ҳиндустон ӯ ба шаҳрҳои бостонии Хуҷанд ва Кӯлоб сафар карда, аз ёдгориҳои таърихӣ ва донишҳоҳои ин шаҳрҳо дидан мекунад.