Мукофоти нақдӣ ба Акмалиддин

Душанбе, 1 апрел. (АМИТ «Ховар», Ибодат Давлатова).- Чанд карат Қаҳрамони Тоҷикистон, Қаҳрамони Осиё, Қаҳрамони ҷаҳон миёни наврасон, барандаи медали нуқраи чемпионати ҷаҳон миёни бузургсолон Акмалиддин Каримов соҳиби мукофот гардид.Чуноне ки ба мухбири АМИТ «Ховар» аз Кумитаи миллии олимпии Ҷумҳурии Тоҷикистон иттилоъ доданд, А. Каримов аз ҷониби Федератсияи байналмиллалии самбо бо маблағи 3 ҳазор доллари амрикоӣ сарфароз шуд. Бояд гуфт, ки мукофоти молиявӣ дар Кумитаи ҷавонон аз ҷониби раиси кумита Маликшо Неъматов дар вазъияти тантанавӣ ба варзишгар тақдим гардид.