Мулоқоти Х.Зарифӣ бо П.Флор

Душанбе, 26 апрел (АМИТ «Ховар»).-25 апрели соли 2013 дар ҳошияи 3-юмин ҷаласаи вазирони корҳои хориҷии кишварҳои «Раванди Истанбул оид ба амнияти минтақавӣ ва ҳамкорӣ баҳри сулҳу субот дар Афғонистон», ки дар шаҳри Алмаатои Ҷумҳурии Қазоқистон баргузор мегардад, вохӯрии вазири корҳои хориҷии Ҷумҳурии Тоҷикистон Ҳамрохон Зарифӣ бо Намояндаи олии Иттиҳоди Аврупо дар Осиёи Марказӣ Патрисия Флор сурат гирифт.  Дар вохӯрӣ тарафҳо аз сатҳи мавҷудаи ҳамкориҳои мутақобила изҳори қаноатмандӣ намуда, масъалаҳои ҳамкориҳои дуҷониба ва минтақавӣ, аз ҷумла раванди таъмини амният ва субот дар Афғонистонро мавриди муҳокима қарор доданд.