Муомилоти ғайриқонунии асъори хориҷӣ

Душанбе, 17 апрел. (АМИТ «Ховар», Ибодат Давлатова).-Аз ҷониби кормандони шуъбаи минтақавии мубориза бар зидди ҷиноятҳои муташаккили ВКД дар вилояти Суғд дар муомилоти ғайриқонунӣ бо асъори хориҷӣ шаҳрванд Аббос Хоҷаев, соли таваллудаш 1971, сокини кӯчаи Қосимови шаҳри Конибодом ҳамчун гумонбар дастгир шуд.Тавре ки ба мухбири АМИТ «Ховар» аз ВКД иттилоъ доданд, ӯ бо муомилоти ғайриқонунии асъори хориҷӣ машғул гашта, рӯзи 16 апрели соли ҷорӣ дар мошини шахсиаш, тамғаи «Дэу-Лабо» ба шаҳрванд Зоир Самиев, соли таваллудаш 1981, сокини ҷамоати деҳоти Пӯлодони ноҳияи Конибодом ба маблағи 5000 доллари амрикоӣ асъори хориҷӣ фурӯхтааст. Аз рӯи ин ҳодиса парвандаи ҷиноӣ оғоз гардида, тафтиш идома дорад.