Мушкилоти ҳавосанҷон осон гардид
Душанбе, 18 апрел. (АМИТ «Ховар», Назир Назиров).- 16-уми апрели соли ҷорӣ ҷаласаи ҳайати мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон баргузор гардид, ки дар он фаъолияти семоҳаи якум ва вазифаҳои навбатӣ дар семоҳаи дуюми соли ҷорӣ баррасӣ шуд. Раиси кумита Талбак Салимов гуфт, ки дар давраи ҳисоботӣ 5947 санҷиши комплексӣ, соҳавӣ ва фаврӣ гузаронида шуд, ки нисбат ба ҳамин давраи соли 2012 23% зиёд мебошад. Дар натиҷаи санҷишҳо ба субъекҳои фаъолияти хоҷагидор барои риоя накардани талаботи қонунгузорӣ 9289 пешни¬ҳод¬и иҷрояш ҳатмӣ дода шуд, ки 75,5% иҷро гардид ва нишондоди мазкур нисбат ба ҳамин давраи соли қаблӣ таносубан 23 ва 6% зиёд мебошад. Барои дар фасли сармо ҳифз намудани ҳайвоноти ваҳшӣ бо Фармоиши раиси кумита нақшаи чорабиниҳо таҳияю тасдиқ гардида, ситод таъсис дода шуд ва дар асоси он аз тарафи сохтор¬ҳои марбута корҳои муайян иҷро гардиданд. Аз ҷумла дар Муассисаи давлатии хоҷагии ҷангал ва шикор барои аз фасли зимистон беталаф баровардани ҳайвоноту парранда¬гони ваҳшӣ 81,5 тонна маводи ғизои ва 450 кг намак истифода шуд, ки 50815 сомониро ташкил медиҳад. Кормандони 40 стансия ва дидбонгоҳи обченкунии Муас¬сисаи давлатии обуҳавошиносӣ бо либосҳои махсус, ангишт ва сўзишворӣ пурра таъмин гардиданд. Ҳамзамон 39 стансия ва 18 дидбонгоҳи обченкунӣ бо радиостансия, генератори барқистеҳҳсо묬ку¬нанда, телефонҳои шаҳрию мобилӣ, аккумулятор ва поч¬таи электронӣ муҷаҳҳаз шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






