Наврӯз дар Истамбул

Истамбул, 1 апрел. (АМИТ «Ховар», Катерина Аксакова). – 31 март дар шаҳри Истамбули Туркия маросими таҷлили иди Наврӯз баргузор гардид. Тавре ки аз консулгарии Тоҷикистон дар Истамбул ба АМИТ «Ховар» хабар доданд, дар ин чорабинии ботантана Сафири Тоҷикистон дар Ҷумҳурии Туркия Фаррух Шарифов, консули генералии Тоҷикистон дар Истамбул Илҳом Абдураҳмонов, шаҳрвандони тоҷикистонии муқими Туркия, ҳамчунин донишҷӯёне, ки дар донишкадаҳои олии Туркия таҳсил мекунанд, иштирок доштанд.Дар маросими идона Ҳунарпешаи шоистаи Тоҷикистон Қурбоналӣ Абдуллоев ва дастаи ҳунарии «Зебо» ҳунарнамоӣ карданд.Дар ҳошияи чорабинии фарҳангӣ маҳсулоти косибон, сару либос ва асбобҳои мусиқӣ ба маърази намоиш гузошта шуд.