Наврӯз дар Кумитаи корҳои дин
Душанбе, 1 апрел. (АМИТ «Ховар», Дилшодаи Хайруллоҳ).- Кумитаи оид ба корҳои дини назди Ҳукумати Ҷумҳурии Тоҷикистон дар якҷоягӣ бо Кумитаи занон ва оилаи назди Ҳукумати Ҷумҳурии Тоҷикистон иди Наврӯзро таҷлил намуданд. Дар чорабинӣ Одинашо Муродов, мудири шуъбаи дин, танзими анъана ва ҷашну маросими дастгоҳи иҷроияи Президенти Ҷумҳурии Тоҷикистон, мушовири Президент оид ба масъалаҳои ҷамъиятӣ ва робита бо аҳли ҷомеаи дастгоҳи иҷроияи Президенти ҶТ Юсуфов Умриддин, раиси Кумитаи корҳои дини назди Ҳукумати Ҷумҳурии Тоҷикистон Абдураҳим Холиқов ва намояндаҳо аз иттиҳодияҳои ғайриисломӣ, Маркази исломии Тоҷикистон, Донишкадаи исломии Тоҷикистон ба номи Имоми Аъзам ва гимназияи исломии Точикистон иштирок намуданд. Дар чорабинӣ саҳначаҳои ҷолиби наврӯзӣ, ки баёнгари фарҳанги пурғановати гузаштагон буд ва аз ҷониби кормандони Кумитаи корҳои дини назди Ҳукумати Ҷумҳурии Тоҷикистон ва Кумитаи занон ва оилаи назди Ҳукумати Ҷумҳурии Тоҷикистон омода шуда буданд, манзури меҳмонон гардид. Ҳамзамон рӯзи 31.03.2013 аз ҷониби Кумитаи корҳои дини назди Ҳукумати Ҷумҳурии Тоҷикистон тӯи арӯсиву домодии як ҷуфт ҷавонон аз оилаҳои ниёзманди Ҷумҳурии Тоҷикистон дар доираи талаботи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» баргузор гардида, ба оилаҳои навбунёд туҳфаҳои хотиравӣ такдим гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






