Навсозии боғи варзишӣ дар Фархор

Фархор, 27 апрел. ( АМИТ «Ховар», С. Холов).- Дар ноҳияи Фархор имрӯзҳо бо дастгирии Ҳукумати ӋТ ва фармоишгар — Дирексияи сохтмони иншооти ҳукуматии дастгоҳи иҷроияи Президенти ӋТ навсозии варзишгоҳи марказӣ, боғи фарҳангу истироҳатӣ, осорхона, китобхонаи марказии ноҳия ва сохтмони 5 муассисаи нави таълимӣ идома дорад. Мавриди зикр аст, ки то бунёди чунин корхона сангу шағал барои сохтмони иншооти мазкур аз ноҳияи Ҳамадонӣ дастрас мегардид, ки ин хароҷоти иловагиро талаб мекард. Бо мақсади таъмини саривақтии масолеҳи сохтмонӣ барои корхонаҳои мазкур ва дар шароити то охири сол бунёд намудани боз 2 коргоҳи нави истеҳсоли масолеҳи сохтмонӣ дар ноҳия аз ҳисоби заминҳои санглох 10 гектар замин барои истеҳсоли сангу шағал ҷудо гардид, ки минбаъд масолеҳи сохтмонӣ дар худи ноҳия коркард мешавад.