«Нигоҳи нав» расман ба фаъолият мепардозад

Душанбе, 29 апрел. (АМИТ «Ховар»).- 30-юми апрели соли ҷорӣ, соати 10:00 дар Маркази фарҳангии «Dushanbe Art Ground» ҷашнвора-озмуни ҷумҳуриявии театрии ҷавонон – «Нигоҳи нав» расман ба кори худ шуруъ мекунад. Ба қавли яке аз ташкилкунандагони ин иқдом Арҷманди Раҳматулло ҳадафи асосии ташкили ҷашнвора ҷалби ҷавонони эҷодкор ба театр ва фароҳам овардани шароити мусоиди эҷодӣ баҳри рушди санъати театрӣ мебошад. Ба иловаи мавсуф ҷашнвора – озмуни мазкур ба тарғибу ташвиқ миёни аҳолии кишвар ниёз дорад ва аз ин рӯ иштироки рӯзноманигорон дар он метавонад дар самти рушди санъати муосири театри миллӣ нақши чашмрас гузорад.