Озмуни беҳтарин сенарияи таҷлили 3000-солагии Ҳисор

Душанбе, 20 апрел. (АМИТ «Ховар»,Фарзона Достонзода).-Вазорати фарҳанги Тоҷикистон аз 1 майи соли 2013 озмуни сенарияи баргузории барномаи театрикунонидашудаи ҷашни 3000-солагии Ҳисорро эълон мекунад.Аз маркази матбуоти Вазорати фарҳанг ба мухбири АМИТ «Ховар» иттилоъ доданд, ки сенарияҳо аз лиҳози мавзуъ ва муҳтаво бояд таърихи 3000- солаи ин гӯшаи Ватанро таҷассум намуда, корнамоиву шуҷоати фарзандони барӯманди тоҷик, дастовардҳои даврони истиқлолият ва ояндаи дурахшони халқу кишварро тараннум намуда, дорои тахайюл ва бадеияти баланд бошанд. Қабули сенарияҳо то 20 феврали соли 2014 идома ёфта, озмун моҳи марти соли 2014 ҷамъбаст мегардад.