Пардохти нафақа ва дигар кўмакпулиҳо

Душанбе, 17 апрел. (АМИТ «Ховар», Дилшодаи Хайруллоҳ).- Тавре ки аз Агентии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоии аҳолии Ҷумурии Тоҷикистон иттилоъ доданд, нақшаи ҷамъоварии андози иҷтимоӣ дар семоҳаи аввали соли 2013 ба андозаи 371549,0 ҳазор сомонӣ пешбинӣ гардида буд. Мувофиқи таҳлилҳои пешакӣ дар ин муддат ба суратҳисоби агентӣ бо назардошти хароҷоти корхонаю муассисаҳо 366458,1 ҳазор сомонӣ, яъне 98,6 фоизи нақшаи пешбинишуда ворид гардид. Талабот барои пардохти нафақа ва дигар хароҷоти кўмакпулиҳо дар давраи ҳисоботӣ 357486,0 ҳазор сомониро ташкил додааст. Дар ин муддат аз ҷониби агентӣ барои пардохти нафақа 357486,0 ҳазор сомонӣ маблағғузорӣ гардид. Ба Агентии давлатии ҳифзи иҷтимоӣ, шуғли аҳолӣ ва муҳоҷират ҷиҳати маблағгузории самтҳои сиёсати шуғл дар давраи ҳисоботӣ ба маблағи 800,0 ҳазор сомонӣ маблағгузорӣ шудааст.