Президент ба Парлумон Паём мефиристад
Душанбе, 25 апрел.(АМИТ «Ховар», Марзия Саидова).- Фардо -26 апрели соли 2013 дар шаҳри Душанбе ҷаласаи чоруми муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати чорум баргузор мегардад. Дар ҷаласаи муштараки палатаҳои парлумони мамлакат Президенти Ҷумҳурии Тоҷикистон Эмомалӣ Раҳмон ба Парлумони кишвар чордаҳумин Паёми худро ироа месозад, ки он фарогири самтҳои афзалиятноки сиёсати дохилӣ ва хориҷии Ҷумҳурии Тоҷикистон аст. Ба ҷаласаи чоруми муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати чорум аъзои палатаи болоӣ ва вакилони палатаи поёнии Парлумони мамлакат, кормандони дастгоҳи иҷрояи Президенти ҷумҳурӣ, аъзои Ҳукумати Ҷумҳурии Тоҷикистон, роҳбарону намояндагони мақомоти ҳифзи ҳуқуқ ва қудратии кишвар, мақомоти маҳаллии ҳокимияти давлатии шаҳру ноҳияҳо ва вилоятҳо, намояндагони созмонҳои байналмилалӣ ва корпусҳои дипломатии муқими Тоҷикистон ва васоити ахбори омма давъат шудаанд, мегӯяд Шавкат Саидов, ёвари раиси Маҷлиси миллии Маҷлиси Олии ҷумҳурӣ.Мавриди зикр аст, ки Сарвари давлати Тоҷикистон Эмомалӣ Раҳмон дар Паёми қаблии худ ба парлумони мамлакат таваҷҷуҳи махсусро ба рушди устувори иқтисодиёти миллӣ нигаронида буд. Президенти Тоҷикистон Эмомалӣ Раҳмон гуфта буд, ки рушди устувори соҳаҳои иқтисодиёти кишвар ва нақшаҳои пешбинишуда дар доираи се ҳадафи стратегӣ: таъмини истиқлолияти энергетикӣ, раҳоии кишвар аз бунбасти коммуникатсионӣ ва таъмини амнияти озуқаворӣ таҳия шудаанд. Ҳамзамон Президенти мамлакат ба аҳамияти зиёди ҳифзи манфиатҳои миллӣ, таъмини суботи сиёсӣ, ваҳдати миллӣ ва тақвияти амният дар кишвар махсус таъкид намуда буд, ки татбиқи ин равандҳо, бешак, ба рушду устувор ва пешрафту шукуфоии сарзаминамон мусоидат менамоянд. Бояд тазаккур дод, ки Президенти ҷумҳурӣ аз соли 2000 бо таъсиси Парлумони дупалата-Маҷлиси миллӣ ва Маҷлиси намяондагон ҳамасола дар Парлумон бо Паём баромад менамояд. Ҷараёни 14-умин Паёми Сарвари давлат ба Маҷлиси Олии Ҷумҳурии Тоҷикистон, ки дар «Кохи Ваҳдат» баргузор мегардад, тавассути тамоми шабакаҳои телевизионҳои давлатӣ мустақиман намоиш дода мешавад.
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
