Президенти Ассотсиатсияи футболи Баҳрайн ба Душанбе омад

Душанбе, 19 апрел. (АМИТ «Ховар», Пайрав Назаров). – 18 апрел президенти Ассотсиатсияи футболи Баҳрайн Шайх Салмон бани Иброҳим Ал – Халифа барои боздиди расмии корӣ ба шаҳри Душанбе омад. Дар назар аст, ки 19 апрел Шайх Салмон бани Иброҳим Ал – Халифа бо президенти Федератсияи футболи Тоҷикистон Рустами Эмомалӣ масъалаҳои ҳамкории дуҷонибаи миёни ҳар ду федератсияи миллиро муҳокима менамояд. Дар ин бора аз Федератсияи футболи Тоҷикистон ба АМИТ «Ховар» хабар доданд.