«Рӯзи Тоҷикистон» дар мактаби мисрӣ

Душанбе, 25 апрел. (АМИТ «Ховар» ).- 22 апрели 2013 дар яке аз литсейҳои мисрӣ – мактаби миёнаи забонҳои «ас-Саҳва» дар вилояти Гизаи Ҷумҳурии Мисри Араб «Рӯзи байналмилалӣ»-и Миср ҳамроҳ бо 10 кишвари ҷаҳон –Англия, Испания, Италия, Гавайи, Африқои Ҷанубӣ, Ҳиндустон, Арабистони Саудӣ, Судон, Фаластин ва Тоҷикистон баргузор гардид.Хонандагони синфи 4-уми ибтидоӣ, ки барои намоиш Ҷумҳурии Тоҷикистонро интихоб карда буданд, дар тан либосҳои миллии тоҷикӣ Суруди миллии Тоҷикистонро азёд бо оҳангаш ба забонҳои тоҷикӣ ва арабӣ хонда, дар саҳни мактаб намунаҳои рақсу суруди тоҷикиро дар назди тамошобинон бо маҳорати баланд иҷро карданд.Намоишгоҳи Тоҷикистон дар байни дигар намоишгоҳҳо рангину ҷолибтар ташкил шуда буд. Онро парчами миллӣ, тарҷимаи арабии чоргонаи Эмомалӣ Раҳмон » «Тоҷикон дар оинаи таърих», китоби мусаввари «Хазинаи тиллоии тоҷикон», лавҳаҳои рассомон бо тасвири табиати зебои Тоҷикистон, либосҳо ва таомҳои миллии тоҷикӣ оро медоданд.Дар «Рӯзи байналмилалӣ»-и мактаби миёнаи забонҳои «ас-Саҳва» сафири Ҷумҳурии Тоҷикистон дар Ҷумҳурии Мисри Араб Н.Назаров иштирок ва суханронӣ кард.Ҳамроҳ бо роҳбарияти мактаб қарор шуд, ки хонандагони синфи 4-уми ибтидоӣ, ки барои худ Тоҷикистонро ҳамчун кишвари дӯстдошта ихтиёр кардаанд, минбаъд ҷиҳати омӯзиши бештари ин кишвар бо Сафорати Тоҷикистон дар Қоҳира дар тамоси доимӣ боқӣ хоҳанд монд.