Сафари вазири корҳои хориҷии Тоҷикистон ба Қазоқистон

Душанбе, 25 апрел. (АМИТ «Ховар»).-25 апрели соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ ҷиҳати иштирок дар сеюмин ҷаласаи вазирони корҳои хориҷии кишварҳои Қалби Осиё дар ҳошияи «Раванди Истанбул оид ба барномаи нав барои ҳамкориҳои минтақавӣ баҳри Афғонистони амн ва босубот», ки 26 апрели соли равон барпо мегардад, озими Алмаато шуд. Дар доираи сафар ба Қазоқистон вазири корҳои хориҷии Тоҷикистон дар ин чорабинӣ сухан гуфта, мулокотҳои дуҷониба бо сарони ҳайатҳои кишварҳои хориҷӣ, созмонҳои минтақавию байналмилалӣ баргузор хоҳад кард.