Самараи таълиму тарбияи дуруст
Турсунзода, 25 апрел. (АМИТ «Ховар», Ҳотам Рабиев).- Литсей-интернати муштараки тоҷикию туркии шаҳри Турсунзода зодаи даврони Истиқлолият буда, аз таъсиси он 21 сол сипарӣ гардид. Муассисаи мазкур дар таълиму тарбияи насли навраси шаҳри Турсунзода, ноҳияҳои Шаҳринаву Ҳисор саҳми арзанда дорад. Ҷараёни таълим дар литсей асосан бо забонҳои тоҷикӣ ва англисӣ сурат гирифта, ҳамчунин забонҳои туркӣ ва русӣ низ омӯзонида мешавад. Барои хонандагон тамоми шароитҳои таълимию истироҳатӣ ва маданию маишӣ муҳайё буда, онҳо бо хӯроки гарм, хобгоҳ, китобхона, майдонча ва толорҳои варзишӣ таъминанд.Муваффақияти омӯзгорону хонандагони муассиса ҷолиби зикр аст. Муассисаи мазкурро аз оғози фаъолият то имсол зиёда аз 600 нафар хатм карда, 303 нафари онҳо дар Тоҷикистон, 140 нафар дар кишвари Туркия, 64 нафар дар Федератсияи Русия ,18 нафар дар Қирғизистон ва чанд нафари дигар дар ИМА, Англия, Олмон ва Чин шомили донишгоҳу донишкадаҳо гардидаанд. Шогирдони литсей аз соли 1997 то имсол дар олимпиадаҳои ҷумҳуриявӣ аз рӯи фанҳои гуногун 9 нафар ҷои аввал, 11 нафар ҷойи дуюм, 16 нафар ҷои сеюмро ишғол намуда, 14 нафари дигар созовори Ифтихорномаи Вазорати маорифи Ҷумҳурии Тоҷикистон гардиданд.Дар литсей чорабиниҳои фарҳангӣ, аз қабили намоиши донишу ҳунар, шабҳои саволу ҷавоб, базми шеър, вохӯрӣ бо собиқ хатмкунандагони литсей мунтазам баргузор мегарданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






