Сатҳи таваррум дар семоҳаи аввал 1,2 % буд

Душанбе, 19 апрел. (АМИТ «Ховар», Покиза Маҳмадбекова ). – Моҳи марти соли ҷорӣ сатҳи таваррум дар Тоҷикистон 0,1 фоизро ташкил дода, тайи семоҳаи аввал ба 1,2 фоиз расид. Дар ин бора аз дафтари матбуоти Бонки миллии Тоҷикитстон хабар доданд.Моҳи марти соли ҷорӣ нархи маводи ғизоӣ 0,4 фоиз, амволи ғайриғизоӣ 0,3 фоиз баланд гардида, нархи хидматрасонии пулакӣ барои аҳолӣ баробари 1,4 фоиз арзон шуд. Қобили зикр аст, ки тайи се моҳи соли равон сатҳи таварруми бахши истеъмолӣ дар Қазоқистон 1,9 фоиз, Русия 1,9 фоиз ва дар Қирғизистон 1,1 фоизро ташкил дод.