Сокини ноҳияи Истаравшан дастгир гардид

Душанбе, 1 апрел. (АМИТ «Ховар», Ибодат Давлатова).- Аз ҷониби кормандони РВКД дар вилояти Суғд зимни гузаронидани чораҳои фаврию ҷустуҷӯӣ дар ғайриқонунӣ нигоҳ доштани маводи нашъадор шаҳрванд Акмал Зокиров, соли таваллудаш 1982, сокини ноҳияи Истаравшан ҳамчун гумонбар дастгир гардид.Тавре ки ба мухбири АМИТ «Ховар» аз ВКД иттилоъ доданд, ҳангоми кофтуков аз ӯ дар маҷмуъ 15 килою 014 грамм маводи нашъадори ҳашиш дарёфт ва мусодира шуд. Барои дастгир намудани ҳаммаслаки ӯ Фозил Ҳабибов, соли таваллудаш 1975, сокини ноҳияи Истаравшан чорабиниҳои фаврию ҷустуҷӯӣ ҷараён доранд. Аз рӯи ин ҳодиса парвандаи ҷиноӣ оғоз гардида, тафтиш идома дорад.