Такмили ихтисоси кормандони АНМН

Душанбе, 1 апрел. (АМИТ «Ховар», Лутфия Эшонқулова). – Ба манзури такмили ихтисоси кормандони ниҳодҳои Агентии назорати маводи нашъаовари Тоҷикистон 1 апрел дар шаҳри Душанбе семинар дар мавзӯи «Софкории пул» ба кораш шурӯъ намуд. Тавре ки аз маркази матбуоти Агентии назорати маводи нашъаовар ба АМИТ «Ховар» хабар доданд, кормандони Агентӣ аз рӯи доираи васеи масъалаҳо, аз ҷумла аз рӯи механизмҳои ҷилавгирии софкории пул, ошкор намудани манбаъҳои маблағгузории терроризму ифротгароӣ, ҳамчунин тафтиши ҳодисаҳои фаъолияти молиявии гурӯҳҳои муташаккили ҷинояткор вобаста ба гардиши ғайриқонунии маводи нашъаовар малака пайдо мекунанд. Семинарро, ки то 5 апрел давом мекунад, мутахассисони пулиси миллии Фаронса доир намуданд.