Таъмири маркази саломатӣ дар Кӯлоб

Кӯлоб, 5 апрел. (АМИТ «Ховар», С.Холов). – Кормандони маркази саломатии рақами 1 – и шаҳри Кӯлоб ба таъмири пурраи бинои маъмурӣ шуруъ карда, то ин муддат ба маблағи 22000 сомонӣ корҳои таъмириро ба итмом расониданд. Бинобар иттилои сардухтури марказ Бобохон Абдураҳмонов маблағи таъмир аз ҳисоби соҳибкорони маҳаллӣ ва марказ буда, ҷиҳати фароҳам овардани шароити мусоид барои беморон ва расонидани кӯмаки аввалияи тиббӣ мусоидат менамояд.  Ба гуфтаи манбаъ аз буҷаи маҳаллӣ ба марказ ба маблағи 7500 сомонӣ дастгоҳи ташхиси ренгенӣ дастрас шуда, дар ин давра 745 нафар бемор ба воситаи дастгоҳ аз ташхис гузаштанд. Мавриди зикр аст, ки дар се моҳи соли ҷорӣ кормандони марказ ба 1574 нафар хизмати тиббӣ расониданд.