Танзими маросимҳо дар Кӯлоб

Кӯлоб, 22 апрел. (АМИТ «Ховар», Ф.Мадаминов). – Дар шаҳри Кӯлоб ҷамъомади муштарак оид ба татбиқи қонунҳои Ҳукумати Ҷумҳурии Тоҷикистон «Дар бораи танзими анъана ва ҷашну маросимҳо», «Озодии виҷдон ва иттилооти динӣ», «дар бораи масъулияти волидайн дар таълиму тарбияи фарзанд» доир шуд. Маълум гардид, ки дар айни замон баъзе одамон то ҳол дар ҷойҳои ғайри муқаррарӣ намоз мегузоранд ва ин чунин 22 нафар шаҳрванди шаҳру деҳоти Кӯлоб ба таври ғайрирасмӣ дар мадрасаҳои динии хориҷи кишвар таҳсил намуда истодаанд. Аз ин лиҳоз раиси шаҳр А. Раҳмонов ба ҳамаи кормандони сохторҳои давлатӣ ва имом – хатибони масҷидҳо супориш дод, ки ҳар чи тезтар пеши роҳи чунин қонуншиканиҳо гирифта шавад ва дар байни аҳли ҷомеа корҳои фаҳмондадиҳӣ пурзӯр шаванд.