Ташрифи Ли Турнер ба Тоҷикистон

Апрель 19, 2013 10:26

Душанбе, 19 апрел. (АМИТ «Ховар»). — Намояндаи Вазорати корҳои хориҷии Бритониё оид ба тиҷорат ва сармоягузорӣ дар Туркия, Осиёи Миёна ва Қафқоз Ли Турнер аз 18 то 21 апрел аз Тоҷикистон дидан мекунад. Тавре ки аз Сафорати Бритониё дар Тоҷикистон ба АМИТ «Ховар» иттилоъ доданд, боздиди Ли Турнер баъди анҷоми сафари намояндагони тиҷоратии Бритониё ба Тоҷикистон оғоз ёфт, ки ин ҳайат аз 15 то 18 апрел дар Тоҷикистон қарор дошт. Дар рӯзи аввали сафари худ Ли Турнер бо вазири рушди иқтисод ва савдои Тоҷикистон Шариф Раҳимзода, раиси Кумитаи сармоягузорӣ ва идораи давлатии амволи Тоҷикистон Давлаталӣ Саидов ва мушовири давлатии Президенти Ҷумҳурии Тоҷикистон оид ба иқтисод Фаррух Ҳамроалиев мулоқот намуд. Дар мулоқотҳо масъалаҳои рушди иқтисодии Тоҷикистон баррасӣ шуданд. Инчунин Ли Турнер бо сардори Шӯрои ҳамоҳангсозии Бизнес-ассотсиатсияҳо Зайд Саидов ва директори генералии ширкати «Сомон- Эйр» Ллойд Пакстон мулоқот анҷом дода, бо намояндагони ташкилотҳои маблағгузор оид ба дастовардҳо дар соҳаи иқтисодиёт суҳбат мекунад. Мутобиқи нақшаи сафар Ли Турнер аз вилояти Суғд боздид карда, бо раиси вилоят Қоҳир Расулзода мулоқот мекунад ва аз фаъолияти ташкилоти VSO боздид ба амал меорад. Ҳамчунин ӯ ба Бадахшон сафар карда, бо намояндагони AKDN оид ба рушди иқтисодии минтақа мулоқот карда, дар ҷаласаи минтақавии туризм иштирок меварзад.

Апрель 19, 2013 10:26

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд