Таъсиси ҷойҳои нави корӣ

Апрель 20, 2013 09:24

Душанбе, 20 апрел. (АМИТ «Ховар», Дилшодаи Хайруллоҳ).- Дар семоҳаи аввали соли 2013 аз ҷониби корхонаҳои ресандагии кишвар ба миқдори 3567,1 тонна нахи пахта коркард шудааст, ки нисбат ба ҳамин давраи соли 2012 (2727,1 тонна) 840 тонна зиёд буда, суръати афзоиш 130,8 %-ро ташкил медиҳад. Дар ин муддат истеҳсоли риштаи пахтагин 3032,7 тоннаро ташкил намуд. Суръати афзоиш нисбат ба ҳамин давраи соли 2012 (2318,4 тонна) 130,8 %-ро ташкил намуда, ба миқдори 714,3 тонна зиёд мебошад. Тибқи муқаррароти қарори Ҳукумати Ҷумҳурии Тоҷикистон «Дар бораи тасдиқи Нақшаи амал оид ба таъсисёбии корхонаҳои саноатӣ дар Ҷумҳурии Тоҷикистон барои солҳои 2012 — 2013» ва берун аз нақшаи амал» дар давоми соли 2012 дар соҳаи саноати сабук 53 адад корхонаю коргоҳҳо ба истифода дода шудаанд, ки дар натиҷа 1231 ҷойҳои нави корӣ барои шаҳрвандони маҳаллӣ муҳайё гардида, 474 ҷойҳои кории қаблӣ барқарор шуд ва соли 2013 дар доираи нақшаи амал баистифодадиҳии 19 корхонаю коргоҳҳои нави дигар ба нақша гирифта шуд, ки дар натиҷа зиёда аз 1956 ҷойи нави корӣ таъсис хоҳад ёфт.Дар ин бора ба мухбири АМИТ «Ховар» аз шуъбаи котиботи Вазорати энергетика ва саноати Ҷумҳурии Тоҷикистон иттилоъ доданд.

Апрель 20, 2013 09:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд