«Тоҷиксементстрой» боз ба кор шурӯъ кард

Душанбе, 16 апрел. (АМИТ «Ховар», Кристина Эрлих). – Тавре ки аз Вазорати энергетика ва саноати ҶТ ба АМИТ «Ховар» хабар доданд, Ҷамъияти масъулияташ маҳдуди «Тоҷиксементстрой» баъди таваққуфи тӯлонӣ боз ба кор шурӯъ намуда, истеҳсоли маҳсулоти сохтмониро ба роҳ монд. Назар ба хабари намояндаи Вазорати энергетика ва саноати кишвар, захираи сементу гаҷ барои истеҳсоли маҳсулот таносубан 350 ва 60 тоннаро ташкил медиҳад. Дар оянда барои истеҳсоли шифери сохтмонӣ аз Русия ашёи хом ворид мегардад. Қобили зикр аст, ки аз оғози соли ҷорӣ 41 корхонаи истеҳсолкунандаи маводи сохтмонӣ ба кори худ аз нав шурӯъ карданд. Соли ҷорӣ боз 5 корхонаи нави истеҳсолкунандаи маводи сохтмонӣ мавриди истифода қарор мегирад.