Вохӯрии Ҳ. Зарифӣ бо О. Гаврук
Душанбе, 2 апрел (АМИТ «Ховар»).- 1 апрели соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ Сафири Фавқулодда ва Мухтори Ҷумҳурии Беларус дар Ҷумҳурии Тоҷикистон Олга Гаврукро ба ҳузур пазируфт. Дар вохӯрӣ ҷонибҳо ба ҳамкориҳои босамари Тоҷикистону Беларус дар доираи созмонҳои байналмилалӣ ва минтақавӣ баҳои баланд доданд. Дар робита ба ин вазири корҳои хориҷии Тоҷикистон минатдории хешро ба Ҳукумати Ҷумҳурии Беларус оид ба дастгирии номзадии Ҷумҳурии Тоҷикистон дар ҳайати Шӯрои СММ оид ба ҳуқуқи инсон дар солҳои 2015-2017 изҳор намуд. Зимни мулоқот ҷонибҳо муносибатҳои дуҷониба ва густариши онро мавриди баррасӣ қарор дода, муносибатҳои Тоҷикистону Беларусро дар доираи Комиссияи байниҳукуматӣ оид ба ҳамкориҳои иқтисодиву тиҷоратӣ ҷиҳати амалӣ намудани созишҳои ба миён омада дар соҳаҳои афзалиятнок, аз ҷумла кишоварзӣ, хӯрокворӣ ва саноати сабук, таъсиси корхонаҳои муштарак дар соҳаи саноати хӯрокворӣ, мошинсозӣ ва ҳамчунин густариши ҳамкориҳои минтақавиро зикр намуданд. Ҷонибҳо изҳори умед намуданд, ки ҷаласаи навбатии Комиссияи байниҳукуматие, ки 2 апрели соли 2013 дар шаҳри Душанбе баргузор мегардад, ба ҳалли масъалаҳои мухталифи ҳамкориҳои дуҷониба имконият хоҳад дод.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
