Як кишвари скандинавӣ хостори тавсеаи муносибот бо Тоҷикистон
Душанбе, 30 апрел.(АМИТ «Ховар», Марзия Саидова).-Масъалаҳои марбут ба тавсеаи ҳамкориҳои Парлумони Тоҷикистон бо Парлумони Финляндия имрӯз дар Душанбе зимни мулоқоти Амирқул Азимов-раиси кумитаи тартиботи ҳуқуқӣ, мудофиа ва амнияти Маҷлиси намояндагон бо Ҳайдӣ Ҳаутала -вазири рушди ҳамкориҳои байналмилалии Финляндия баррасӣ гардиданд. Амирқул Азимов, ки ҳамзамон роҳбари гуруҳи дӯстӣ ва ҳамкории Маҷлиси намояндагон бо Парлумони Финляндия аст, доир ба фаъолияти палатаи поёнии Парлумони Тоҷикистон, хусусан нақши гурӯҳи дӯстӣ ва ҳамкориҳои Маҷлиси намояндагон бо Парлумони Финляндия гузориш дод. Мавсуф фаъолияти гуруҳи дӯстиро байни парлумонҳои ҳар ду кишвар қадами устуворе дар тавсеаи муносибот арзёбӣ кард. Таъкид шуд, ки парлумонҳои ҳар ду давлат ҷиҳати густариши ҳамкориҳои гуногунсоҳаи Тоҷикистону Финляндия заминаи ҳуқуқӣ фароҳам меоранд.Вазири рушди ҳамкориҳои байналмилалии Финляндия Ҳайдӣ Ҳаутала алоқамандии кишварашро барои боз ҳам густариш бахшидани ҳамкориҳо бо Тоҷикистон баён дошт. Вазир афзуд, ки ҳамкориҳои Тоҷикистону Финляндия алҳол дар сатҳи зарурӣ ба роҳ монда нашудаанд, аз ин рӯ мо хостори таҳкими равобити ҳасана бо Тоҷикистон ҳастем.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






