Ярмаркаи таҳсилотӣ– 2013

Душанбе, 12 апрел .(АМИТ «Ховар», Сарвинози Руҳуллоҳ) – Рӯзи 20 апрели соли 2013 дар Маркази тиҷоратии «Вафо»-и шаҳри Душанбе «Ярмаркаи таҳсилотӣ – 2013» баргузор мегардад. Ин чорабинӣ аз ҷониби шуъбаи Ташкилоти байналмилалии Институти «Ҷамъияти Кушода» — Бунёди Мадад дар Тоҷикистон дар ҳамкорӣ бо Вазорати маорифи Ҷумҳурии Тоҷикистон ва бо иштироки намояндагиҳои дипломатӣ ва ташкилотҳои байналмилалӣ роҳандозӣ шудааст.  Тавре ки аз ташкилоти мазкур хабар доданд, ярмаркаҳои таҳсилотӣ дар минтақаҳои дигари Тоҷикистон, аз ҷумла 23 апрел дар Донишгоҳи давлатии Хуҷанд, 3 май дар Донишгоҳи давлатии Кўлоб, 4 май дар Донишгоҳи давлатии Қурғонтеппа ва 15 май дар Донишгоҳи давлатии Хоруғ баргузор хоҳанд шуд.