Заминаҳои мувофиқи муносиботи Тоҷикистону Украина
Душанбе, 03 апрел. (АМИТ «Ховар», Дилшодаи Хайруллоҳ).- Имрӯз Сарвазири Ҷумҳурии Тоҷикистон Оқил Оқилов бо вазири рушди минтақавӣ, сохтмон ва хоҷагии манзилию коммуналии Украина Геннадий Темник, ки барои иштирок дар кори ҷаласаи чоруми Комиссияи байниҳукуматии Ҷумҳурии Тоҷикистон ва Украина оид ба ҳамкориҳои иқтисодӣ ба Душанбе омадааст, мулоқот кард. Оқил Оқилов изҳор дошт, ки Тоҷикистон ва Украина дар бахшҳои сиёсӣ, иқтисодӣ, илмию техникӣ ва тайёр кардани мутахассисони баландихтисос муносибатҳои хуби дӯстона дошта, Украина дар мумилот ва савдои хориҷии Ҷумҳурии Тоҷикистон дар доираи ИДМ мақоми намоёнро ишғол менамояд. Тавре ки таъкид гардид, ҷониби Тоҷикистон ҳавасманди бунёди корхонаи муштарак оид ба истеҳсол ва таъмирсозии таҷҳизоти техникӣ барои нерӯгоҳҳои барқи обии хурду бузург дар Ҷумҳурии Тоҷикистон мебошад ва дар ин самт ҳамкориро бо тамоми сохторҳои марбутаи Украина дар сатҳи зарурӣ таъмин менамояд. Зимни вохӯрӣ аз баргузории ҷаласаи навбатии Комиссияи байниҳукуматии Ҷумҳурии Тоҷикистон ва Украина оид ба ҳамкориҳои иқтисодӣ изҳори қаноатмандӣ шуда, таъкид гардид, ки натиҷаҳои кори ҷаласаи мазкур барои боз ҳам таҳким бахшидани муносибатҳои байнидавлатию байниҳукуматии ҳар ду кишвар заминаҳои мувофиқ фароҳам хоҳанд овард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






