Зарар аз сӯхтор-зиёда аз 50 ҳазор

Кӯлоб, 16 апрел. (АМИТ «Ховар», С.Холов). – Cардори хадамоти давлатии оташнишонии ноҳияи Фархор Сайдаҳмад Саидов гуфт, ки дар се моҳи соли ҷорӣ дар қаламрави ноҳия 7 ҳодисаи нохуши сӯхтор ба амал омада, маблағи зарари он 51 ҳазору 475 сомониро ташкил дод. Дар ноҳия «Як ҳафтаи бехатарӣ аз сӯхтор» эълон гардида, ҳар як хонаи истиқоматӣ мавриди санҷиш қарор гирифта, истифодаи дурусти печҳои барқӣ, риояи қоидаҳои оддитарини бехатарии зиддисӯхтор ва дигар мавридҳои бехатарӣ аз оташ санҷида шуданд. Мавриди зикр аст, ки хайати нозирони Хадамоти давлатии оташнишонии ноҳия дар ин мудждат ҳолати бехатарии 8 иншооти хоҷагии халқро мавриди муҳокима қарор дода, 51 санади маъмурӣ тартиб доданд.