Ғалабаи навбатии «Истиқлол»

Душанбе, 15 май. (АМИТ «Ховар»). – 14 май даври шашуми мусобиқоти Тоҷикистон оид ба футбол байни дастаҳои лигаи олӣ бо ду вохӯрӣ анҷом ёфт. Тавре ки аз Федератсияи футболи Тоҷикистон ба АМИТ «Ховар» хабар доданд, дар Варзишгоҳи марказии ҷумҳурӣ дастаҳои «Истиқлол» — и шаҳри Душанбе ва «Регар — ТадАз» — и шаҳри Турсунзода қувваозмоӣ намуданд, ки он бо ҳисоби 4 бар 1 ба фоидаи дастаи «Истиқлол» анҷом ёфт. Дар вохӯрии дигари даври шашуми мусобиқот дастаи «Парвоз» — и ноҳияи Бобоҷон Ғафуров бо ҳисоби 2 бар 1 дастаи «Панҷшер» — ро мағлуб сохт.