Ҳамкории Тоҷикистону Туркия густариш меёбад
Душанбе, 6 май. (АМИТ «Ховар», Покиза Маҳмадбекова). – Дар ҷараёни мулоқоти раиси Палатаи савдо ва саноати ҶТ Шариф Саид бо ҳайати Агентии ҳамкории байналмилалии Туркия бо роҳбарии Абдулло Сели ва муовини ӯ Нозим Оқсой масоили рушди ҳамкории тиҷоратию иқтисодии байни Тоҷикистону Туркия мавриди муҳокима қарор гирифтанд. Тавре ки аз Палатаи савдо ва саноати Тоҷикистон ба АМИТ «Ховар» хабар доданд, Абдулло Сели дар ҷараёни мулоқот зикр намуд, ки Агентии ҳамкории байналмилалии Туркия ҷонибдори рушду густариши муносибатҳои байни соҳибкорону тоҷирони Туркия ва Тоҷикистон аст. Мавсуф ҳамчунин дар бораи равобити сершумори аҳли тиҷорат ва намоишгоҳҳои Туркия, ки дар Тоҷикистон борҳо доир шудаанд, нақл кард. Ҷонибҳо ҳамчунин имконияти ҷалби сармоядорони Туркия ба ҳамкорӣ бо минтақаҳои озоди иқтисодӣ ва масоили ташкили Суди ҳакамии соҳибкорони Тоҷикистону Туркияро мавриди муҳокима қарор доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






