Ҳунарнамоии варзишгарони маъюби тоҷик дар Италия

Душанбе,22 май. (АМИТ «Ховар», Фарзонаи Давлат).- Шоми дирӯз, 21-уми май ду варзишгари маъюби тоҷик барои иштирок дар мусобиқаи махсус оид ба вазнбардорӣ ва дастхобонӣ, ки аз 24-ум то 29-уми майи соли равон миёни варзишгарони имконияташон маҳдуд баргузор мегардад, ба Италия сафар карданд.Тавре ки дар ин бора аз Кумитаи ҷавонон, варзиш ва сайёҳии кишвар хабар доданд, мусобиқаи мазкур оид ба бочче аз рӯи барномаи Олимпиадаи махсус доир мешавад. Тоҷикистонро дар мусобиқаи мазкур ду варзишгар- Ҳасан Хоҷаев ва Зуҳро Холматова таҳти роҳбарии мураббӣ Абдукарим Аҳмедов муаррифӣ мекунанд.Ёдрас мешавем, ки мусобиқаи мазкур барои варзишгарони имконияташон маҳдуд дар риштаҳои гуногуни варзиш ҳамасола дар кишварҳои Авруосиё гузаронида мешавад.