Ҷаласаи Ситоди ҷумҳуриявии «Кӯкнор – 2013»

Душанбе, 27 май. (АМИТ «Ховар»). – Чанде пеш дар шаҳри Душанбе ҷаласаи Ситоди ҷумҳуриявии амалиёти «Кӯкнор – 2013» баргузор гардид. Назар ба хабари маркази матбуоти Агентии назорати маводи нашъаовари назди Президенти ҶТ, дар ҷаласа масоили вусъат бахшидани назорати ҳаракати қатораҳо аз Тоҷикистон ба самти кишварҳои дигар мавриди баррасӣ қарор гирифта, ҳамчунин дурнамои фаъолияти минбаъда тасдиқ гардид. Бо мақсади ҷилавгирии қочоқи маводи нашъаовар дар қатораҳое, ки ба самти кишварҳои Осиёи Марказӣ ва Федератсияи Русия ҳаракат мекунанд, пешниҳод шуд, ки дар байни кормандони Корхонаи воҳиди давлатии «Роҳи оҳани Тоҷикистон» мунтазам чорабиниҳои тавзеҳотӣ анҷом дода шаванд. Аз рӯи натиҷаи ҷаласа қарор дода шуд, ки ҷамъомади навбатии ситод моҳи августи соли равон доир намуда, дар он ҷараёни иҷрои корҳо аз рӯи қарорҳои қабулшуда баррасӣ шавад.