Ҷаласаи Ситоди амалиёти «Кӯкнор – 2013»
Душанбе, 17 май. (АМИТ «Ховар», Лутфия Эшонқулова). – Дар ҷаласаи якуми Ситоди амалиёти «Кӯкнор – 2013», ки таҳти раёсати муовини аввали директори Агентии назорати маводи нашъаовар Вайсиддин Азаматов баргузор гардид, масъалаи вусъат бахшидани назорати ҳаракати қатораҳои мусофирбар аз Ҷумҳурии Тоҷикистон мавриди муҳокима қарор гирифт.Бо мақсади ҷилавгирии қочоқи маводи нашъаовар дар давлатҳои Осиёи Марказӣ ва Федератсияи Русия, дар ҷаласа бо назардошти ҷалби Корхонаи воҳиди давлатии «Роҳи оҳани Тоҷикистон» нақшаи муштарак тарҳрезӣ шуд.Дар ҷаласа зикр гардид, ки бояд дар асоси нақшаи муштарак кори ҷустуҷӯи фаврию тавзеҳотӣ пурзӯр намуда, ҳамчунин ҳамкорӣ бо сохторҳои қудратии Осиёи Марказӣ ва Федератсияи Русия густариш дода шавад. Тавре ки маркази матбуоти Агентии назорати маводи нашъаовари Тоҷикистон хабар медиҳад, дар ҷаласа ҳамчунин масоили дорои хусусияти ташкилӣ ҷиҳати роҳандозии амалиёти «Кӯкнор — 2013» ҳамчунин ҳамкории вазорату идораҳои марбута мавриди баррасӣ қарор гирифтанд. Дар кори ҷаласа намояндагони вазоратҳои корҳои дохилӣ, фарҳанг ва тандурустӣ, Хадамоти гумруки назди Ҳукумат, Кумитаи давлатии амнияти миллӣ ва Кумитаи телевизион ва радиои Ҷумҳурии Тоҷикистон ширкат доштанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






