Ҷамъбасти ҳафтаи ҷавонон дар Кӯлоб
Кӯлоб, 23 май. (АМИТ «Ховар», С. Холов).-Чорабиниҳо бахшида ба ҳафтаи ҷавонон дар шаҳри Кӯлоб бо дави миллӣ оғоз гардиданд. Дар дави миллӣ беш аз ҳафт ҳазор нафар сокинони шаҳру ноҳия ширкат варзиданд. Дар маҷлиси тантанавӣ раиси шаҳри Кӯлоб Абдуғаффор Раҳмонов зикр кард, ки бо мақсади фаъолтар гардидани мавқеи ҷавонон дар пешрафти ҳаёти сиёсӣ, иҷтимоию иқтисодӣ ва фарҳангии шаҳр, беҳтар намудани шароитҳои таҳсилу фаъолияти ҷавонон чандин қарори раиси шаҳр ба тасвиб расиданд.Аз ҷумла? бо қарори раиси шаҳр «Барномаи миллии рушди иҷтимоии ҷавонон дар шаҳри Кӯлоб барои солҳои 2013-2015» қабул шудааст, ки ба татбиқи сиёсати давлатии ҷавонон, фароҳам овардани шароитҳои ҳуқуқӣ, иқтисодӣ ва ташкилӣ ҷиҳати ташаккули шахсият ва дастгирии ҷавонон нигаронида шудааст. Аз тарафи мақомоти давлатӣ ва соҳибкорон сохтмону навсозии иншооти варзишӣ роҳандозӣ гардид. Ин имкон дод, ки соҳа рушд ёбад ва дастовардҳои варзишгарони шаҳр боиси ифтихори на танҳо шаҳр, балки вилояту ҷумҳурӣ гардад.Алалхусус, дастаи футболи «Равшан» соли 2012 бори аввал дар таърихи футболи тоҷик сазовори медалҳои тиллои чемпионат ва Ҷоми махсуси мамлакат шуд.Ҳоло дар шаҳру деҳоти Кӯлоб 5 мактаби варзишии кӯдакону наврасон, 1 варзишгоҳи марказӣ, 67 майдончаи варзишӣ, 54 толори варзишӣ амал мекунад, ки дар онҳо 51 нафар мураббӣ аз рӯи 13 намуди варзиш дар 94 гуруҳ фаъолият намуда, ба зиёда аз 3546 нафар наврасону ҷавонон машғулият меомӯзонанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






