80 маърӯза ба ифтихори 80-солагӣ

Май 17, 2013 12:51

Душанбе, 17 май. (АМИТ «Ховар», Раъно Нусратуллоева).- Бо ибтикори садорати факултаи педагогикаи Донишгоҳи давлатии омӯзгории Тоҷикистон ба номи С.Айнӣ бахшида ба 80-солагии номзади илмҳои педагогӣ, профессор Фатҳия Икромова 16-уми майи соли ҷорӣ дар толори таълимгоҳи мазкур конфронси илмию амалии байналмилалӣ дар мавзӯи «Мушкилоти муосири тайёрии касбии методии муаллими синфҳои ибтидоӣ дар мактабҳои олии педагогӣ» баргузор гардид. Дар конфронс академики Академияи таҳсилоти Тоҷикистон М.Лутфуллоев, академики Академияи илмҳои Ҷумҳурии Тоҷикистон, доктори илмҳои биология Муҳиба Яқубова, шоир М.Холиқзода ва устодону донишҷӯён ширкат варзиданд.Ректори донишгоҳ, Абдуҷаббор Раҳмонов зикр намуд, ки зиндагӣ ва фаъолияти профессор Фатҳия Икромова пурсамар буда, сазовори омӯзиш ва пайравӣ мебошад. Ӯ 80 соли умри пурбаракати хешро сарфи таълиму тарбияи насли наврас ва ҳамзамон тадқиқоти илмӣ дар соҳаи педагогика намудааст.Дар ҷамъомад ҳамчунин М.Лутфуллоев, М.Яқубова, А.Нуров ва чанд тани дигар пиромуни паҳлуҳои ибратомӯзи зиндагию фаъолият ва корҳои илмии соҳибҷашн сухан гуфтанд.Сипас, конфронс кори худро дар чор бахш идома дод, ки дар онҳо аз ҷониби олимони илми педагогика 80 маърӯза қироат гардид. Дар ин бора котиби матбуотии Донишгоҳи омӯзгорӣ Бахтиёри Абдураҳим хабар дод.

Май 17, 2013 12:51

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд