Абдураҳим Алиев: “Ман дигар узви гуруҳи ташаббускор нестам!”

Душанбе, 18 май. (АМИТ “Ховар”). — Абдураҳим Алиев бо пешниҳоди ариза ба унвони роҳбари гуруҳи ташаббускори ҳизби номнависнашудаи “Тоҷикистони нав” Зайд Саидов хоҳиш намудааст, ки ӯро аз гуруҳи ташаббускор хориҷ намоянд. Ҳамчунин, А. Алиев дар аризаи худ ҷиҳати баромадан аз Ассотсиатсияи “Истеҳсолотчиён ва соҳибкорони Тоҷикистон” таъкид кардааст.Мавриди зикр аст, ки чанд рӯз қабл узви дигари гуруҳи ташаббускор Ҷамшед Ҳафизов — муовини Директори ширкати “Тоҷиксохтмон-Байналмилал” барои қатъи фаъолияти худ ҳамчун узви гуруҳи ташаббускори ҳизби номнависнашудаи “Тоҷикистони нав” расман изҳорот пешниҳод намуда буд.