«Абрешим» солона 200000 либоси мактабӣ истеҳсол мекунад

Душанбе, 17 май. (АМИТ «Ховар», Баҳманёр Муродов).-Раиси вилояти Суғд Қоҳир Расулзода барои шиносоӣ бо ҷараёни насби таҷҳизоти нав аз корхонаи «Текстил — сити» ва «Нассоҷи Хуҷанд»- и ҶСК «Абрешим» дидан кард.  Бар пояи иттилои Хадамоти матбуоти раиси вилоят Қоҳир корхонаи «Нассоҷи Хуҷанд» дорои дастгоҳҳои шонакунӣ, ҳаллоҷӣ, пилтаресиву ресандагӣ буда, дар он 300 нафар сокинони маҳаллӣ ба кор ҷалб шудаанд ва дар сурати анҷоми насби таҷҳизоти муосир сар аз моҳи июн боз 1100 нафар бо ҷои кор таъмин мешаванд. Раиси вилоят ҳамчунин аз коргоҳи либосдӯзии шаҳраки саноатии ҶСК «Абрешим» боздид ба амал овардааст ва гуфта мешавад дар ин коргоҳи либосдӯзӣ либосҳои мактабиву ҳарбӣ ва либосҳои маъмулӣ аз матои омодакардаи корхонаҳои “Текстил сити” ва “Нассоҷи Хуҷанд” бо сифати баланд истеҳсол мешаванд. Манбаъ афзудааст, ки миқдори солонаи истеҳсоли либос дар ин корхона 200 ҳазор дона буда, он ба бозори дохилӣ бароварда мешавад.