Боздошти ҷинояткорон дар ноҳияи Рашт
Душанбе, 4 май. (АМИТ «Ховар», Лутфия Эшонқулова).- Дар ноҳияи Рашт 3 нафар сокинони маҳаллӣ барои даст доштан дар муомилоти ғайриқонунии силоҳи оташфишон, лавозимоти ҷангӣ, воситаҳои нашъадор ва дигар ҷиноятҳои вазнин дастгир карда шуданд.Тавре ки сомонаи расмии ВКД хабар медиҳад, дастгиршудагон — Шоҳиҷангиев Абдулҳамид Абдураҳмонович соли таваллудаш 1979, Муминов Раҳматулло Ятимович, соли таваллудаш 1966 ва Ҳакимов Қамараддин Абдуллоевич соли таваллудаш 1967 мебошанд. Аз ҷумла, ҳангоми азназаргузаронии манзили истиқоматии шаҳрванд Шоҳиҷангиев Абдулҳамид аз дохили ҷевони ошхона 1 адад туфангчаи тамғаи «Макаров» бо 3 тирдон ва 61 дона тир, 5 адад тири қутраш 70 милиметраи карабин, 4 адад норинҷаки дастии РГД-5 ва 8 дона қаламчаи воситаи нашъадори навъи ҳашиш дарёфт ва мусодира карда шуд.Аз манзили истиқоматии шаҳрванд Муминов Раҳматулло ва махфигоҳи ба ӯ тааллуқ дошта, 1 адад автомати тамғаи «Калашников» ва 14 адад тирдонҳо, 6 норинҷак ва дигар лавозимоти ҷангӣ дарёфту мусодира гардида, ӯ инчунин дар содир намудани дигар ҷиноятҳои вазнин низ гумонбар дониста мешавад.Шаҳрванд Ҳакимов Қамараддин низ дар нигоҳдории ғайриқонунии яроқу лавозимоти ҷангӣ ва дигар ҷиноятҳои муташаккилона гумонбар дониста мешавад.Нисбати шахсони мазкур парвандаҳои ҷиноятӣ боз гардида, корҳои тафтишотӣ идома доранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






